نكت مغربية الجديد هنا (الجزء 4)

**hamza** الجمعة نوفمبر 11, 2011 5:11 pm

هادا واحد الاستاد كيعلم لواحد التلميد عملية ناقص، قال ليه: جوج ناقص جوج شحال تيبقى ؟
التلميد : معرفتش
الاستاد جبد ليه جوج كرواصات، وقال ليه : شحال هادو؟
التلميد :جوج كرواصات
الاستاد :هاك كول هادي، زيدك هادي، شنو بقى دابا ؟
التلميد: شي بـرّاد ديال اتاي بعقلو

علي وبراهيم تشاركوا ف حانوت

واحد النهار، ناض علي علق على الحانوت پلاكة مكتوب عليها بالفرنسية

Alimentation générale

جاء براهيم قرا الپلاكة وكعا، وهو يبدلها ودار فيها

Brahimentation générale

هادو رباعة ديال المكلخين عندهم حفرة فالحومة، ناضوا تجمعو باش يلقاو شي حل
قال ليهم واحد: نديروا شي فرملي ف الحفرة، باش اللي طاح فيها يداويه ف البلاصة
قال ليهم واحد اخر: لا نجيبو لابيلانص حدا الحفرة، باش اللي طاح نديوه فيساع للسبيطار
هدر واحد اخر: نريبوا داك السبيطار، ونبنيو واحد اخر
ناض واحد قال ليهم: وا لا! خاصنا نسدو هاديك الحفرة...
ونحفروا وحدة أخرى قدام السبيطار

واحد المعلم عرض على صحابو يجيو عندو للدار
ملي جلسو شوية هدروا، قال ليهم: شنو نسبقو أتاي ولا العشا؟
قالوا ليه: العشا !
هو يقول ليهم: توكلنا على الله نوضو تصليو

هادو جوج دودات مشاو للحمام، وخرج ليهوم لوسخ بزاف
واحد الدودة قالت لصاحبتها: ناري ياختي، كون بقينا شويا كون دودنا

هادي واحد المرا كبيرة وحشومية بزاف مشات تقرا ف محو الأمية
[size=16] وكان العنوان ديال الدرس : دخل أحمد، خرج أحمد
ملي تقول المعلمة: دخل أحمد، كدير المرا الزيف على راسها
وملي تقول المعلمة: خرج أحمد، كتحيد المرا الزيف على راسها
ملي مشات للدار، قال ليها راجلها: آشنو قريتو اليوم؟
قالت ليه: علاه احمد خلانا نقراو؟ ها هو داخل، ها هو خارج[/size]

واحد مبوق قاعد قدام التلفزة وكيضحك
[size=16]قال ليه صاحبو: مالك؟
قال ليه المبوق: دابا هادي تلفزة، و ملي كنسد عيني، كتولي راديو[/size]

والله ساكتب رد